Son günlər ölkədə yol-nəqliyyat hadisələrinin sayının artması, baş verən qəzalarda isə avtomobillərin yanması başqa bir məsələni gündəmə gətirib. Qəza zamanı avtomobil niyə yanır?
Mynews.az xəbər verir ki, məsələ ilə bağlı Metbuat.az-a açıqlama verən avtomobil ustası Əli Sultanov bildirib ki, qəza zamanı avtomobilin alışmasına əlavə qurğular çox da təsir göstərmir:
“Avtomobilə arxadan zərbə gələrsə, yanacaq çəninin özündə yaranan qısaqapanmadan partlayış yaranır. Zərbə avtomobilin ön tərəfinə gələrsə, bu zaman mühərrikə gedən benzin borularının partlaması nəticəsində avtomobil yanır. Avtomobilin dayandığı yerdə yanması isə ona qoyulan əlavə qurğuların qoruyucularının yaxşı olmaması iə bağlıdır”.
