Türkiyədə öldüyü deyilən aktrisanın xalası qızı "Hər an möcüzə ola bilər"

Cəmiyyət

14:45 14.08.2017

Bu arada aktrisanın orqanlarının bağışlanacağı ilə bağlı xəbərlər də yayılıb.

Mynews.az azxeber.com-a bildirir ki, yenicag.az-a açıqlama verən aktrisanın xalası qızı Rübabə Səfərova bu cür xəbərin yayılmasının Mila Əminənin ailəsi tərəfindən qəzəblə qarşılandığını deyib:

"Mila süni nəfəs aparatına qoşulub, onun ürəyi hələ də döyünür. Nə qədər ki, ürəyi döyünür xəstəxanada qalacaq və süni nəfəs aparatından ayrılmayacaq. Hər an möcüzə ola bilər, həkimlər də belə deyir. Milanın orqanlarının bağışlanması ilə bağlı xəbəri kim yayıb bilmirik, amma həmin adama ayıb olsun. Onun orqanları heç kimə bağışlanmayacaq. Hansı ana buna razı ola bilər? Digər tərəfdən Milanın kasıb, çarəsiz bir qız kimi tanıdılması bizim qürurumuza toxunur. Onun xalası da var, bibisi də... Hələ gözləyirik, Allah eləməmiş, nəsə olsa, qohumlar bütün xərcləri ödəyəcək".

Aktrisanın xalası qızı xəstəxanaya olan borcların da qohumlar tərəfindən ödəniləcəyini bildirib.

Qeyd edək ki, Mila Əminənin anası Əminə Polad Türkiyədə yaşayır və həyat yoldaşı türkdür.