USD 1.70
EUR 1,8441
RUB 0.0175
BREND 78.91
Bakı
7°

Bələdiyyə sədri "zibil"ə düşdü

Cəmiyyət
10:06 16.08.2017
Bələdiyyə sədri "zibil"ə düşdü

Cəmiyyət

10:06 16.08.2017

Sumqayıt şəhər sakini Rauf Məcidbəyli tərəfindən Abşeron rayonu Saray qəsəbəsi ərazisində məişət tullantılarının qalaqlanması ilə bağlı Ekologiya və Təbii Sərvətlər Nazirliyinin (ETSN) “Qaynar xətt”inə şikayət daxil olub.

Mynews.az xəbər verir ki, Nazirliyin mətbuat xidmətindən Oxu.Az-a verilən məlumata görə, şikayət ETSN-nin yerli qurumlarının əməkdaşları tərəfindən yerində araşdırılıb.

Araşdırma zamanı Bakı-Quba magistral avtomobil yolunun 17-ci kilometrliyində, Abşeron rayonunun Saray qəsəbəsi ərazisində məişət və istehsalat tullantılarının qalaqlanması və yandırılması faktı aşkar edilib.

Ərazidə tullantıların idarə olunmasına cavabdeh olan Saray bələdiyyəsinin sədri Natiq Tahirov barəsində protokol tərtib olunub və o, inzibati qaydada 2500 manat məbləğində cərimə edilib. Yol verilən qanun pozuntusunun aradan qaldırılması üçün cavabdeh şəxsə icrası məcburi olan müddətli “məcburi göstəriş” verilib.


Cəmiyyət

Xəbər lenti