Ukrayna azərbaycanlıları Saakaşvilini gül-çiçəklə qarşılayacaq

Cəmiyyət

16:11 18.08.2017

Ukrayna azərbaycanlıları Ukraynaya qayıtmaq niyyətində olan Mixeil Saakaşvilini gül-çiçəklə qarşılayacaq.

Mynews.az-ın haqqın.az-a istinadən verdiyi məlumata görə, bu barədə "Facebook" səhifəsidə “Ukrayna azərbaycanlıların birləşmiş diasporu” ümumukrayna ictimai təşkilatının sədri Hikmət Cavadov deyib.

Sədrin sözlərinə görə, Ukrayna azərbaycanlıların bir qismi sentyabrın 10-da “Krakovets” keçid məntəqəsinə gəedib, Odessa vilayətinin sabiq qubernatoru Mixeil Saakaşvilini qarşılayacaq.

“Mən və bizim bir neçə üzvümüz sentyabrın 10-da sərhəddə Saakaşvilni qarşılayacağıq.”

Gürcüstanın sabiq prezidenti, Odessa vilayətinin sabiq qubernatoru Mixeil Saakaşvili sentyabrın 10-da Polşa ərazisindən keçərək Ukraynaya qayıdacağını bəyan edib.

“Mən Polşadan Ukraynaya sentyabrın 10-da Krakovets keçid məntəqəsindən qayıdıram”, - deyə çərşənbə günü "Facebook"da canlı yayımda M.Saakaşvili bildirib. O, Ukrayna hakimiyyət orqanlarına müraciət edərək, onun qayıdışı ilə bağlı “sirk qurmamaq” və “torpağı qazmamağa”  çağırıb.