Avropada başlayan yumurta böhranı nəticəsində milyonlarla yumurta supermarket rəflərindən yığışdırılaraq məhv edilib.
Mynews.az xəbər verir ki, böhran nəticəsində təkcə Hollandiyaya 150 milyon avro zərər dəyib. Eləcə də, Avropadakı 150 təsərrüfat isə müvəqqəti olaraq bağlanıb.
Qeyd edək ki, problemin Belçikada “Chickfriend” adlı şirkətin “fipronil” adlı böcək dərmanını toyuq fermalarına satmasından qaynaqlandığı irəli sürülür.
Məhz ixrac sayəsində böhran sürətli şəkildə Fransa, İngiltərə, Avstriya, İrlandiya, Lüksemburq, Polşa, Rumıniya, Slovakiya, Sloveniya, İsveç, İsveçrə və Danimarka daxil olmaqla, 16 Avropa ölkəsinə, eləcə də, 2 Asiya ölkəsinə yayılıb.
İlk olaraq Hollandiyada aşkarlanan yumurta böhranına İtaliyada da rast gəlinib. Belə ki, ölkənin Sağlamlıq Nazirliyi yumurtalara baxış həyata keçirib. Nəticədə 114 nümunədən 2-də böcək dərmanı “fipronil” tapılıb.
