Türkiyədə bakalavr təhsili alacaq tələbələrə RƏSMİ MÜRACİƏT

Azərbaycanın Türkiyədəki səfirliyinin Təhsil Müşavirliyi bu ölkədə ilk dəfə bakalavr dərəcəsi üzrə ali təhsil alacaq Azərbaycan vətəndaşlarına müraciət edib.

Mynews.az  xəbər verir ki, Təhsil Müşavirliyindən apa-ya verilən xəbərə görə, vətəndaşlar Türkiyəyə gələrkən attestatlarını “Apostil” möhürü ilə leqallaşdırmağı unutmamalıdır:
“Apostil” Azərbaycan ərazisində verilmiş və Konvensiyanın (“Xarici rəsmi sənədlərin leqallaşdırılması tələbini ləğv edən Konvensiya”) iştirakçısı olan dövlətlərdən birinin ərazisində təqdim olunması nəzərdə tutulan rəsmi sənədlərə verilir.