USD 1.70
EUR 1,8441
RUB 0.0175
BREND 78.91
Bakı
7°

Azərbaycanlı zəvvarların son qrupu Həccə yollandı

Cəmiyyət
13:52 26.08.2017
Azərbaycanlı zəvvarların son qrupu Həccə yollandı

Cəmiyyət

13:52 26.08.2017

Azərbaycandan Həcc ziyarətinə gedən zəvvarların son qrupları yola salınıb.

Mynews.az bildirir ki, Qafqaz Müsəlmanları İdarəsinin (QMİ) Həcc missiyasından APA-ya verilən məlumata görə, zəvvarı daşıyan iki təyyarə artıq Səudiyyə Ərəbistanının Ciddə şəhərinə enib.

Azərbaycanlı zəvvarlar avtobuslarla Ciddədən Məkkəyə yola düşüblər.

Qeyd edək ki, zəvvarların ilk qrupları avqustun 24-də yola salınıb.

Bu il Azərbaycandan Həccə 900 zəvvar gedib. 2016-cı ildə isə Azərbaycandan 1040 zəvvar Həcc ziyarətində olub. Əvvəlki illərdən fərqli olaraq, bu il zəvvarlar üçün fərqli paketlər (VİP və nisbətən ucuz) təqdim edilməyib. Bir nəfərlik ziyarət paketinin qiyməti 3850 dollardır.

Yaxın Şərqdəki vəziyyətlə əlaqədar bu il də zəvvarlar avtobusla yox, təyyarə ilə Səudiyyə Ərəbistanına gediblər. Uçuşları AZAL həyata keçirir.

Azərbaycanda Həcc ziyarətinin təşkilatçısı yalnız Qafqaz Müsəlmanları İdarəsidir.


Cəmiyyət

Xəbər lenti