Şamaxıda 21 yaşlı gənc çevik zəkası ilə hər kəsi heyrətləndirib.
Dost-tanışları Elvin Qəniyev adlı gəncə “canlı təqvim” deyə müraciət edirlər. Buna səbəb isə onun təqvimin həm keçmiş, həm də gələcək illərinin günlərinin həftənin neçənci gününə düşdüyünü bir neçə saniyəyə hesablayıb deməsidir.
O bu bacarığını ilk dəfə 13 yaşında olarkən kəşf edib. Sinif yoldaşlarına nümayiş etdirəndə ona inanmayanlar da olub.
2100-cü ilə qədər təqvimi hazırlayan Elvin istənilən vaxtın hansı günə düşdüyünü dəqiqliklə deyir. Hazırda Elvin peşə məktəbində kompyuter operatorluğu öyrənir. Arzusu isə aktyor olmaqdır.
