Əlil arabasında ustalıq edir

Cəmiyyət

13:38 09.09.2017

Zaqatalanın Danaçı kənd sakini 40 yaşlı Zülfüqar Əlixanov fiziki çətinliklərinə baxmayaraq, şəhər ərazisində yerləşən kiçik dükanında telefon və başqa xırda məişət texnikalarını təmir etməklə gündəlik ruzisini qazanır.

Mynews.az ARB Şəki-yə istinadla xəbər verir ki, Zülfüqar sanki düzəltdiyi, ikinci həyat verdiyi hər bir əşya ilə birgə özü də ruhən yenilənir. Əlil arabasına məhkum olan Zülfüqar tez-tez digər insanların köməyinə ehtiyac duyur.

Zülfüqarın əsl çətinliyi, bəzən müştərilərin fiziki durumuna baxıb ona əşyaların təmirini etibar etməmələridir. Ancaq bütün bunlara baxmayaraq, Zülfüqar işinə, peşəsinə sevgiylə yanaşan biridir. Sənətinə təkcə gəlir yeri kimi yox, həm də hobbi kimi yanaşan qəhrəmanımızdan müştəriləri də razılıq edir.

Zülfüqar Əlixanov (təmirçi): "Bu sənət olmasa mənim günüm keçməz. Bəzən müştəri gəlir məni görüb etibarsızlıq edirlər, bacara biləcəyimi düşünmürlər. Ancaq buna baxmayaraq, xeyli sayda müştərim var".