Paytaxdakı parkların birində xoşagəlməz hadisə yaşanıb. Gənc oğlanla qız ətrafdakı insanlara fikir vermədən öpüşüblər. Hadisə ərazidən keçən şəxslər tərəfindən lentə alınıb və qısa müddət ərzində sosial şəbəkələrdə yayılıb.
Baş verən hadisə başqa bir məsələni gündəmə gətirib. Paytaxtda bu cür vəziyyətlərlə qarşılaşan polis əməkdaşları çox vaxt cütlükləri cərimələyirlə. Maraqlıdır, bu, qanunvericilikdə əks olunubmu?
Məsələ ilə bağlı Metbuat.az-a açıqlama verən hüquqşunas Vüqar Səfərli məsələyə aydınlıq gətirib:
“Əhalinin kütləvi olduğu parklar və digər ictimai yerlərdə gənclərin tərbiyəyə zidd davranışları birmənalı şəkildə qanunla qadağan olunub. Amma hüquq-mühafizə orqanının işçisinin gənclərdən pul tələb etməsi isə düzgün deyil. Məsələ sənədləşdirildikdən sonra inzibati qaydada cərimə olmalıdır. Lakin burada məcburi seksual hərəkətlər varsa, o artıq cinayət əməli hesab edilir. Yox, yüngül yaxınlaşmadırsa, bu, artıq yüngül inzibati məsuliyyət tələb edən haldır”.
