Azərbaycanda iki böyük supermarket şəbəkəsi birləşir
Ölkə əhalisinin pərakəndə ticarət sektorunda gündəlik tələbat malları ilə təminatını həyata keçirən iki supermarket şəbəkəsi birləşmək barədə qərar qəbul edib.
“Araz Supermarket”dən “APA-Economics”ə verilən məlumata görə, 2011-ci ildən fəaliyyətə başlayan “Araz Supermarket” və 2008-ci ildən fəaliyyətdə olan “Favorit-Market” şəbəkələri birləşərək pərakəndə sektorda birgə fəaliyyətə qərar veriblər.
Qeyd edək ki, sözügedən birləşmə ölkə iqtisadiyyatında bazarın bu sektorunun inkişafına xidmət etməklə yanaşı, tədarükçülərlə istehlakçılar arasında körpü rolunu oynayaraq, müştəri məmnuniyyətinin, supermarket mədəniyyətinin daha da yüksəldilməsinə müsbət təsir göstərəcək.
“Dünya təcrübəsinə istinad edərək söyləyə bilərik ki, bu cür birləşmələr pərakəndə sektorun inkişafına səbəb olur. Pərakəndə sektorun inkişafı öz növbəsində yerli istehsalın artmasında mühüm rol oynayır. Yerli istehsal sektorunun inkişafı isə ölkə iqtisadiyyatının əsas təkan verici qüvvəsi hesab olunur”, – deyə məlumatda vurğulanıb.
Sizin üçün seçdik
İndi oxunanlar
Həftənin hitləri
- Azərbaycanda daha bir zəlzələ oldu 1087 dəfə oxunub
- Dönərdən daha bir kütləvi zəhərlənmə - 18 nəfər xəstəxanalıq oldu 1086 dəfə oxunub
- Azərbaycanda xərçəng xəstəliyi niyə artır? 912 dəfə oxunub
- 19 yaşlı qız qəfil vəfat etdi 910 dəfə oxunub
- Tanınmış fitnes zalının sahibi bıçaqlandı - VƏZİYYƏTİ AÇIQLANDI 595 dəfə oxunub