“Dayımoğlu qızıma təcavüz edib hamilə buraxdı” 3 NƏFƏRİ GÜLLƏLƏYƏN MƏKTƏB DİREKTORU

Cəmiyyət

14:36 12.10.2017

"Dayımoğlu qızıma təcavüz edib hamilə buraxdı”

Mynews.az xəbər verir ki, ARB TV-nin "Rezonans” verilişi bu dəfə Hökməli Yusifovun həbsxana hekayəsini təqdim edir.

Hökməli Yusifov (cəzası 14 il): "Müəllim işləyirdim. Bundan əlavə direktor müavini və direktor kimi də fəaliyyət göstərmişəm. 2010-cu ildə affekt vəziyyətə düşüb hadisə törətdim. Mənə xəbər verildi ki, qızın hamilədir. Öz dayımoğlu qızıma təcavüz edib. Anam infarkt keçirərək dünyasını dəyişdi. Oğluma qarşı ədalətsizlik etdilər. Ailəmi şantaj edib telefona çəkdilər. Uzun illər ovçu cəmiyyətinin üzvü olmuşam deyə sənədli silahım var idi. Onların həyətinə getdim, səhvən qızıma təcavüz edənin kiçik qardaşını vurub öldürdüm. Dayımı qolundan vurub yaraladım. Dayım istəsəydi, bu işlərin qarşısını alardı. Sonra da qızımı zorlayanı vurdum. 1 həftə ac-susuz meşədə gizləndim. Artıq iş işdən keçmişdi. İntihar etmək istədim, polis imkan vermədi. Sonra təslim oldum. Təklif edirəm ki, namus üstündə cinayətlərə görə cinayət məcəlləsində bir bənd əlavə edilsin”.