Valideynləri öldürülən Abdulla Bakıda - Rəsmi açıqlama
İraqdakı uşaq evlərindən birinə gətirilmiş 4 yaşlı azərbaycanlı Abdulla və bacısı Xədicə Azərbaycana gətirilib.
Mynews.az xəbər verir ki, bu haqda məlumatı virtualaz.org yayıb. Sayt bildirib ki, uşaqlar Xarici İşlər Nazirliyinin xətti ilə gətirilib. Xatırladaq ki, ilkin ehtimala görə, İŞİD-ə qoşulan Xədicə ilə Abdullanın valideynləri öldürülüblər.
Xatırladaq ki, Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev "Qafqazinfo”ya açıqlamasında bildirib ki, adıçəkilən uşaqlardan yalnız biri ölkəyə gətirilib:
"Birincisi, qeyd olunan Xədicə adı dəqiq deyil. Biz hazırda onunla bağlı identifikasiya işləri aparırıq. Amma Azərbaycanın İraqdakı səfirliyinin müşayiəti ilə Abdulla adlandırılan azərbaycanlı azyaşlının dünən axşam saatlarında vətənə gətirilməsi təmin olunub.
Onun gətirilməsi üçün İraq tərəfi ilə rəsmi yazışmalar, müvafiq sənədləşmə işləri aparılıb. Bu, ölkə qanunvericiliyinə uyğun həyata keçirilib. Hazırda uşaq nazirliyin nəzarətindədir və onun qohumlarına təhvil verilməsi üzərində iş aparılır”.
Sizin üçün seçdik
İndi oxunanlar
Həftənin hitləri
- ANS-in keçmiş aparıcısı həmcinsi ilə nişanlandı - FOTO 996 dəfə oxunub
- İmtahanda yüksək bal toplayan Mələkxanım bu tanınmış şəxsin qızı imiş 973 dəfə oxunub
- Nar-dan xüsusi təklif: 10%-dək endirimlə smartfon! 962 dəfə oxunub
- Aytən Səfərova ağır qəzaya düşdü 961 dəfə oxunub
- Fransa Azərbaycandakı səfirini geri çağırıb 958 dəfə oxunub