“Azərbaycan üçün bundan qorxulu gedişat ola bilməz” - Politoloqdan həyəcan təbili
![](https://img.mynews.az/news/2017/10/photo_29549.jpg)
“Rusiya xarici işlər naziri Sergey Lavrovun oktyabrın 27-də XİN yanında Rusiya Federasiyası subyektlərinin başçıları Şurasının iclasında çıxış edib. Sergey Lavrov həmişəkindən fərqli olaraq Azərbaycanı bu dəfə müsbət mənada bir neçə dəfə xatırlayıb”.
Bu barədə politoloq Elxan Şahinoğlu bildirib. Onun fikrincə, Rusiya xarici işlər nazirinin çıxışında 3 fikir diqqət çəkir.
S.Lavrovun çıxışında 3 fikir diqqətimi çəkdi. Bu fikirlərin ikisində Azərbaycanın adı birbaşa, digərində dolayı yolla çəkilib. S.Lavrovun birinci fikri belədir: “Regionların xətti ilə Azərbaycanla münasibətlərimiz inkişaf edir”. Sergey Lavrov bu cümləni o mənada işlədib ki, bu ilin sentyabr ayında Rusiyanın Stavropol şəhərində keçirilən 8-ci Rusiya-Azərbaycan regionlararası forumunu iki dövlət arasında beş ikitərəfli sənəd imzalanıb. “Ümumilikdə Rusiyanın regionlarında 650-yə yaxın azərbaycanlı tərəfdaşlarımızla birgə müəssisə fəaliyyət göstərir” – bu cümlə də Lavrova məxsusdur. Lavrovun ikinci fikri belədir: “Azərbaycan və İrandan olan investorlar Həştərxan vilayətində “Lotos” xüsusi iqtisadi zonada zavodların inşa edilməsində fəal iştirak edirlər”. Lavrov bu cümləni isə o mənada işlədib ki, Rusiya regionlarının Xəzəryanı ölkələrlə dialoqunun geniş ticarət-iqtisadi əlaqələrə əsaslanır”, - deyə politolqo bildirib.
Elxan Şahinoğlu deyir ki, rəsmi Bakı Lavrovun da qeyd etdiyi Rusiyanın iki bölgəsində - Stavropolda və Həştərxanda xüsusi layihələr icra edir, investisiyalar yatırır, tikinti işləri aparır: “Rusiyanın başqa bölgələri də Azərbaycanın onlara yatırım qoymasını arzulayırlar, hətta bu məqsədlə Dağıstan və Çeçenistan rəhbərləri bir neçə dəfə Bakıya təşrif buyurmuşdular. Ancaq rəsmi Bakı əməkdaşlıq üçün Rusiyanın nisbətən sakit və stabil bölgələrini seçib və bununla da hələlik kifayətlənib”.
Politoloqun fikrincə, rəsmi Bakının Rusiyanın bölgələrlə əməkdaşlığının siyasi məqsədi də var: “Bakının ümidi Kremlin bu əməkdaşlığın Rusiyanın bölgələri üçün faydalı olduğunu görməsi və bunun fonunda Ermənistanla münasibətlərinə göz gəzdirməsi, o cümlədən Dağlıq Qarabağ münaqişəsinin həlli prosesinə ədalətli yanaşmasıdır. Təəssüf ki, Rusiyanın bölgələrinə edilən yatırımlar Kremin Dağlıq Qarabağ münaqişəsinin həllinə təsir etməyib. Rusiya əvvəlki kimi Ermənistanı silahlandırmaqla məşğuldur”.
E.Şahinoğlunun Lavrovun çıxışı zamanı diqqətini çəkən üçüncü fikrlər isə bunlardır: “Rusiyanın qeyri-kommersiya təşkilatları MDB məkanında Avrasiya inteqrasiyası ideyasının təşviqinə yardım etməlidir”. Bu o deməkdir ki, Rusiya ABŞ-ın və Avropanın qeyri-kommersiya təşkilatlarının Azərbaycanda boşalan yerlərini doldurmaq istəyir. Lavrov bunu heç gizlətmir: “Qeyri-kommersiya təşkilatlarının xətti ilə qonşu ölkələrlə, MDB və Avrasiya İqtisadi Birliyi dövlətləri ilə daha fəal işləməyi vacib hesab edirəm. Məlumdur ki, vətəndaş cəmiyyəti xətti ilə dialoq əlaqələrimizin möhkəmlənməsi baxımından vacib məsələdir”.
Ekspert deyir ki, Kreml Azərbaycan kimi ölkələrdə Rusiyanın qeyri-kommersiya strukturlarının filiallarının mövcudluğunu genişləndirmək istəyir: “Əgər əvvəllər Azərbaycandakı QHT-lərə Qərbin müxtəlif fondları dəstək verirdilərsə, indi bu işi Rusiya görmək istəyir. Azərbaycan üçün bundan qorxulu gedişat ola bilməz. Çünki, Rusiyanın dövlətə bağlı qeyri-kommersiya təşkilatları yerlərdə o təşkilatlara dəstək verəcəklər ki, həmin təşkilatlar Rusiyanın müdafiə etdiyi dəyərləri bölüşsünlər. Krımın ilhaqını, Donbas separatçılarına dəstəyi və ya Abxaziya və Cənubi Osetiyanın tanınmasını necə dəstəkləmək olar? Bu Azərbaycanın təhlükəsizlik maraqlarına ziddir. Ona görə də necə ki, Azərbaycanda Qərb fondlarının müxtəlif ittihamlarla fəaliyyətlərinə son qoyuldu, eləcə də Lavrovun yeni ideyasının Azərbaycanda gerçəkləşməsinə icazə vermək olmaz”.
Cəmiyyət
- Prezident generalı rektor TƏYİN ETDİ
- Azərbaycanda yeni nazir TƏYİN EDİLDİ
- Unun qiyməti qalxdı - VİDEO
- Azərbaycanda minimum əməkhaqqının artırılması ilə bağlı təkliflər hazırlanır
- Bir qrup incəsənət xadiminə Prezident mükafatı verildi - SƏRƏNCAM
- İkinci Dünya müharibəsi iştirakçılarına və ailə üzvlərinə birdəfəlik maddi yardım ödənilib
Sizin üçün seçdik
İndi oxunanlar
Həftənin hitləri
- Azərbaycan dili üzrə natiqlik çempionatına qeydiyyat başladı 194 dəfə oxunub
- Turisti geyiminə görə "Mall"-dan QOVDULAR - VİDEO 185 dəfə oxunub
- Həccdə istidən ölənlərin sayı 922 nəfərə çatdı 183 dəfə oxunub
- “Nar” rouminq paketləri ilə səyahət daha sərfəlidir! 183 dəfə oxunub
- Ülvi və Fatimə qəzaya düşdü 182 dəfə oxunub