USD 1.70
EUR 1,8441
RUB 0.0175
BREND 78.91
Bakı
7°

Azərbaycanda dopinq riskli idman növləri nəzarətə götürülür

Cəmiyyət
16:22 23.02.2017
Azərbaycanda dopinq riskli idman növləri nəzarətə götürülür

Cəmiyyət

16:22 23.02.2017

“Azərbaycanda ağır atletika, güləş və boks idman növləri dopinq üçün risk qrupuna daxildir. Bu idman növləri daha çox diqqət mərkəzində olacaq”.

Mynews.az xəbər verir ki, bunu Azərbaycan Milli Dopinq Agentliyinin (AMADA) icraçı direktoru Şəfəq Huseynli jurnalistlərə açıqlamasında bildirib. 

Şəfəq Hüseynli yeni yaradılmış agentliyin əsas istiqamətlərini açıqlayıb: 

“Əsas fəaliyyətimiz dopinq testlər keçirmək, idmançılarımız üçün bərabər şərait yaratmaqdır. Missiyamız idman tədbirlərində şəffaflığı təmin etməkdir”. 

Onun sözlərinə görə, bu il agentlik tərəfindən 435 test keçiriləcək: 

“Ölkəmizdə dopinq testləri yoxlamaq üçün laboratoriya olmadığından nümunələri Almaniyanın Köln şəhərindəki laboratoriyaya göndərməyi planlaşdırırıq”. 

Ş.Hüseynli bildirib ki, hazırda AMADA-da 18 nəfər əməkdaş çalışır:

“Bu sahədə kifayət qədər təcrübəmiz var. Özüm iki ildir bu sahədə çalışıram”. 


Cəmiyyət

Xəbər lenti