Şadlıq evlərində toy vaxtı yüzlərlə insan olur. Amma baş verəcək hər hansı bir neqativ halda isə çıxış üçün sadəcə olaraq bir qapı açılır. Bu isə şadlıq evlərindəki təhlükəsizlik məsələsini gündəmə gətirir. Bəs görəsən, şadlıq evlərinin əlavə çıxış qapısı varmı ?
Mynews.az xezerxeber.az-a istinadən bildirir ki, toy zamanı 400-600 nəfər mərasimdə iştirak edir. Lakin toy zalında çıxış üçün bir qapının açılamsı bir sıra hallarda xoşagəlməz hadisələrin baş verməsinə səbəb olur.
Apardığımız sorğu zamanı vətəndaşlar da şadlıq evlərində çıxış üçün bir qapının açılmasın narahatlıq yaratdığını təsdiqləyirlər. Amma restoran inzibatçıları vətəndaşların bu fikirləri ilə razılaşmır. Onların sözləirnə görə, şadlıq saraylarının ehtiyat çıxış qapıları var, hətta şadlıq evi daxilində ayrı ayrı mərtəbələrdə təxliyyə çıxışları barədə də yazılı tablolar asılıb.
İnzibatçılar həmçinin qeyd edirlər ki, restoran daxilində baş verəcək hər bir neqativ hal əvvəlcədən nəzərə alınır və bunun üçün lazimi tədbirlər görülür.
Digər tərəfdən, bu qədər insanın eyni məkanda toplanması havalandırma məsələsini də aktuallaşdırır. Çünki yüzlərlə qonağın olduğu zalda havanın dəyişdirilməməsi müəyyən problemlərə gətirib çıxarır.
Mövcud qaydalara görə isə 50 nəfərdən çox insan üçün nəzərdə tutulan zallarada ehtiyat çıxış qapısının olması tələb kimi qoyulub. Bu qaydalara əməl edilmədikdə fiziki şəxslər 20-30, vəzifəli şəxslər 100-150, huquqi şəxslər isə 350-500 manat arasında cərimə edilir.
