20 yanvar dairəsindən “Şamaxinka” deyilən əraziyə qalxan yolun üstündəki dayanacaq aşmış vəziyyətdədir.
Mynews.az Qafqazinfo.az saytına istinadən xəbər verir ki, dayanacağın görüntülərini operator Elşad Mətləboğlu sosial şəbəkədə paylaşıb.
“Qafqazinfo” məsələ ilə bağlı Bakı Nəqliyyat Agentliyinin Mətbuat Xidmətinin rəhbəri Mais Ağayevlə əlaqə saxlayıb. O, bildirib ki, dayanacağın vəziyyətindən dünən gecədən etibarən xəbərdardırlar: “Əməkdaşlarımız hazırda həmin ərazidədirlər. Müvafiq qurumlarla birgə hazırda dayanacağın düzəldilməsi ilə bağlı işlərə başlanılıb”.
