Bakı-Qazax yolunda təhlükəli avtobus
Bu kadrlar Bakı-Qazax magistralında izləyicillərdən biri tərəfindən çəkilib. Bakı avtovağzalından çıxan və içərisi sərnişinlə dolu avtobus 150 km/saat sürətlə hərəkət edir.
Mynews.az “Xəzər xəbər”ə istinadən xəbər verir ki, həmin ərazidə sürət həddinin 110 km/saat olmasına rəğmən, avtobus sürücüsünün bu hərəkəti ciddi qanun pozuntusu olmaqla yanaşı, sərnişinlərin həyatını da təhlükəyə atır.
Yol hərəkəti üzrə ekspert Azər Allahverənov bildirib ki, həmin avtobusun sürücüsü qaydaları kobud şəkildə pozub. Qaydalara görə, yoldakı maksimum surətin nə qədər olmasından asılı olmayaraq, avtobuslar 90 km/saatdan yuxarı sürətlə idarə oluna bilməz.
İnzibati Xətalar Məcəlləsinə görə, qaydaları bu şəkildə pozan sürücülər 250 manat və 4 bal ilə cərimələnməlidirlər. Ekspert qeyd edib ki, bu kimi halların qarşısını almaq üçün mütləq sərnişin avtobuslarına müəyyən üsullarla nəzarət gücləndirilməlidir. Əks halda sərnişin avtobusların iştirakı ilə baş verən qəzaların və bu kimi qayda pozuntularının sayı arta bilər.
Sizin üçün seçdik
İndi oxunanlar
Həftənin hitləri
- Arvadı tərəfindən qətlə yetirilən Hacının FOTOLARI 1000 dəfə oxunub
- Tağı Əhmədovun ölümündən əvvəl SON GÖRÜNTÜSÜ 587 dəfə oxunub
- İlham Əliyev Rəcəb Tayyib Ərdoğana təbrik məktubu göndərib 578 dəfə oxunub
- Bakı Kənar Dairəvi yolda təhlükəli vəziyyət: ərazi nəzarətə götürüldü 562 dəfə oxunub