Yeni ilin ilk günü faciəvi şəkildə öldü: doğum günü selfisi sonu oldu - VİDEO

14:51 03.01.2018

Cəmiyyət

Türkiyənin Şanlıurfa rayonunda tarixi qalada doğum günü selfisi çəkmək istəyən şəxsin yıxılma anı təhlükəsizlik kamerasına düşüb.

Mynews.az Haberler-ə istinadən xəbər verir ki, doğum günündə dostları ilə birlikdə tarixi Şanlıurfa qalasında çıxıb selfi çəkmək istəyərkən yıxılaraq həyatını itirən Halil Dağın faciəvi ölümünün görüntüləri ortaya çıxıb.

Faciəvi olay 2018-ci ilin ilk günündə qeydə alınıb. Şanlıurfadakı telefon dükanı işlədən 38 yaşlı Halil Dağ doğum günündə qonaqları ilə birlikdə tarixi qalaya çıxıb. Dostları ilə birlikdə qalanı gəzən Halil Dağ, iddiaya görə, doğum günü selfisi çəkmək üçün uçurumun kənarındakı bir qayanın üstünə çıxıb.

Fonda Balıklıgölün mənzərəsini götürməyə çalışan Dağ müqavimətini itirərək təxminən 20 metr hündürlükdən yıxılıb. Ağır yaralanan 8 uşaq atasını təcili yardımla xəstəxanaya çatdırsalar da, həyatını xilas etmək mümkün olmayıb.

MƏNİM XƏBƏRLƏRİM

Cəmiyyət

Sizin üçün seçdik

İndi oxunanlar

Həftənin hitləri

Mynews.az