Dərəyə aşan avtobusda yaralananlardan SON XƏBƏR

Cəmiyyət

21:29 06.01.2018

Bu barədə xəstəxananın baş həkimi Fikrət Zeynalov“Ölkə.Az”a açıqlamasında bildirib. Onun sözlərinə görə, hazırda yaralılardan 2 nəfərin vəziyyəti kafidir və onlar yaxın saatlarda evə buraxılacaqlar.

“Ümumilikdə xəstəxanaya 12 nəfər daxil olmuşdu. Onlardan 2-si uşaq idi. Uşaqlar da daxil olmaqla 8 nəfərə yardım göstərildi və onlar evə buraxıldılar. Mən hazırda xəstəxanadayam. 4 yaralının vəziyyətilə bağlı şəxsən özüm maraqlanıram. Yaralılardan 2 nəfərin vəziyyəti nisbətən ağırdır. Lakin onların da həyatları üçün heç bir təhlükə yoxdur. Digər 2 nəfər isə evə buraxılacaq”, - deyə Fikrət Zeynalov bildirib.

Baş həkimin sözlərinə görə, hazırda xəstəxanada qalan yaralılardan ikisi qadın, ikisi kişidir.

Qeyd edək ki, bu gün Bakının Zığ şosesində 175 nömrəli marşrut üzrə hərəkət edən avtobus dərəyə aşıb. Nəticədə avtobusda olan sərnişinlərdən 25 nəfər yaralanıb. Yaralılardan 12 nəfərin vəziyyəti ağır olduğu üçün onlar 3 saylı şəhər klinik xəstəxanasına yerləşdiriliblər.