Yasamaldakı yanğın söndürüldü YENİLƏNİB

Cəmiyyət

20:38 01.02.2018

Yasamal rayonunda ümumi sahəsi 50 kv.m olan tikilinin dam örtüyünün yanar konstruksiyaları, içərisinə yığılmış köhnə ev əşyaları və taxta tullantıları yanıb.

Bu barədə Metbuat.az Fövqəladə Hallar Nazirliyinin saytına istinadən xəbər verir.

Məlumatda bildirilir ki, yaxınlıqdakı tikililər yanğından mühafizə olunub. Yanğın yanğın bölmələri tərəfindən söndürülüb.

Bakıda hazırda binada yanğın hadisəsi baş verib.

Metbuat.az bildirir ki, hadisə Yasamal rayonu Statistika İdarəsinə yaxın ərazidə qeydə alınıb.

Qeyd edək ki, hadisə ilə bağlı Fövqəladə Hallar Nazirliyinin Mətbuat xidməti ilə əlaqə saxladıq. Bildirildi ki, hadisə barədə rəsmi məlumat FHN-nın saytında yerləşdiriləcək.

***

Metbuat.az FHN-nin saytına istinadən bildirir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Yasamal rayonunda mağazada yanğın baş vermişdir. Hazırda Dövlət Yanğından Mühafizə Xidmətinin müvafiq yanğınsöndürmə qüvvələri hadisə yerindədir. İlkin məlumata görə, yanğın zamanı ölən və xəsarət alan olmamışdır. Yanğınsöndürmə işləri barədə əlavə məlumat veriləcək.