Bələdiyyələrin fəaliyyəti ilə bağlı yeni dəyişiklik təklif olunur
![](https://img.mynews.az/news/2018/02/photo_38752.jpg)
Bələdiyyələrə daşınmaz əmlakın dövlət reyestrinin məlumatları müvafiq icra hakimiyyəti orqanının müəyyən etdiyi qaydada və ödəniş əsasında veriləcək.
Mynews.az məlumat verir ki, bu, “Daşınmaz əmlakın dövlət reyestri haqqında” qanuna dəyişiklik edilməsi barədə qanun layihəsində nəzərdə tutulub.
Bununla bağlı qanunun 5-1.1-ci maddəsinə “Bələdiyyələrə daşınmaz əmlakın dövlət reyestrinin məlumatları müvafiq icra hakimiyyəti orqanının müəyyən etdiyi qaydada və ödəniş əsasında verilir” məzmununda cümlənin əlavə edilməsi təklif edilir.
Qeyd edək ki, bələdiyyələr tərəfindən binalar üzrə yerli vergilərin hesablanması həmin binaların (tikililərin) mülkiyyətçiləri və onların texniki göstəriciləri barədə məlumatların əldə olunmalarını zəruri edir.
“Daşınmaz əmlakın dövlət reyestri haqqında” qanunun 5.1-1-ci maddəsinə görə qanunda nəzərdə tutulmuş səlahiyyətlərin yerinə yetirilməsi ilə əlaqədar bələdiyyələrə daşınmaz əmlakın dövlət reyestrinin məlumatları əsaslandırılmış yazılı sorğular əsasında verildiyi nəzərdə tutulsa da, Tarif (qiymət) Şurasının 2009-cu il 31 iyul tarixli 4 nömrəli qərarı ilə dövlət reyestrindən bu cür məlumatların əldə edilməsinə görə 10 manat məbləğində ödəniş müəyyən olunub.
“Vergiqoyma obyektlərinin böyük əksəriyyətini az miqdarda vergisi olan yaşayış sahələri təşkil etdiyini nəzərə alaraq, dövlət informasiya sistemində saxlanılan məlumatın əldə olunması üçün 10 manat kimi yüksək məbləğin tələb olunması bələdiyyələrin fiziki şəxslərdən yerli vergilərin qanunla müəyyən olunmuş qaydada hesablanması yığılması işini əhəmiyyətli dərəcədə çətinləşdirir.
Yuxarıda deyilənləri nəzərə alaraq, “Daşımaz əmlakın dövlət reyestri haqqında” Azərbaycan Respublikasının Qanununun 5.1-1-ci madəsinə ikinci cümlənin əlavə olunması təklif olunur”, - deyə qanun layihəsində vurğulanıb.
Cəmiyyət
- Bəzi çaylardan sel keçəcək - XƏBƏRDARLIQ
- “Nikosayağı” qəzaya düşdüyü avtomobilinin nömrəsini satışa çıxardı - MƏBLƏĞ
- Sakinlərin NƏZƏRİNƏ - Bəzi ərazilərdə qaz olmayacaq
- Prezident ailəsi ilə “Sea Breeze”də
- Elnur Allahverdiyevin evini başına uçururlar
- Qarabağa getmək istəyənlərin nəzərinə! - Sabah saat 11:00-da...
Sizin üçün seçdik
İndi oxunanlar
Həftənin hitləri
- Azərbaycan nefti cüzi ucuzlaşıb 1130 dəfə oxunub
- Bəzi çaylardan sel keçəcək - XƏBƏRDARLIQ 1048 dəfə oxunub
- “Nikosayağı” qəzaya düşdüyü avtomobilinin nömrəsini satışa çıxardı - MƏBLƏĞ 1045 dəfə oxunub
- Sakinlərin NƏZƏRİNƏ - Bəzi ərazilərdə qaz olmayacaq 1035 dəfə oxunub
- Lamiyə Vəliyeva - Medalımı Azərbaycan xalqına həsr edirəm 946 dəfə oxunub