Dünyada hər gün hər 3 qadından biri şiddətə, hər 5-indən 1-i təcavüzə məruz qalır, ya da təcavüzdən son anda xilas olur.
Mynews.az ARB 24-ə istinadən xəbər verir ki, şərti adı Aidə olan xanım da qısqanclıq zəminində şiddətin qurbanı olub.
O bildirib ki, əri onu evdə uşaqların gözünün qabağında döyürdü:
"Bir dəfə elə boğdu ki, əlini çəkməsəydi boğulacaqdım. Anasıyla əl-ayağımı bağlayırdılar. Anası xəstələnmişdi. Öyrətdi ki, o məni zəhərləyib. Orucluq ayı idi. İftar açacaqdım. Elə hala saldı ki, gözümün altını qaraltdı, döydü ki, sən mənim anamı zəhərləmisən. Evdə də yatmağa qoymurdu. Qapının ağzında yatırdım. Soyuq suyu tökürdü üstümə".
