Azərbaycanın ən yaşlı sakininin adı Ginnesin rekordlar kitabına salına bilər
Milli Elmlər Akademiyası Fiziologiya İnstitutu Azərbaycanın ən yaşlı sakininin adının Ginnesin rekordlar kitabına salınması üçün işlər aparmağı planlaşdırır.
Mynews.az xəbər verir ki, AMEA-nın Fiziologiya İnstitutunun direktoru, biologiya üzrə elmlər doktoru Ulduz Həşimova deyib.
U.Həşimova bildirib ki, hələ keçmiş sovet dönəmindən Azərbaycan uzunömürlülər diyarı kimi tanınıb:
"Böyük Vətən müharibəsindən sonra da aparılan tədqiqatlar göstərib ki, hətta ağır aclıq, müharibə illərinə baxmayaraq, Kiçik Qafqazda, Talış dağlarında yaşı 100-ü ötmüş bir çox uzunömürlülər olub. Lerik sakinləri olan Şirəli Müslümov, Mahmud Eyvazovun adları demək olar ki, dünyada məşhur idi".
U.Həşimova Azərbaycanın ən yaşlı sakinlərinin adlarının indiyədək Ginnesin rekordlar kitabına salınmamasının səbəbini də açıqlayıb:
"Azərbaycanda bu vaxta qədər qeydə alınmış 145 və daha çox rekord yaşlar təəssüf ki, heç bir sənəd ilə təsdiqlənməyib və mütəxəssislər tərəfindən verifikasiya edilməyib. Ona görə onların bu kitaba daxil edilməsi mümkün olmayıb. Ginnesin rekordlar kitabına yalnız yaşınn verifikasiyası aparılmış şəxslər daxil edilə bilər. Biz bu istiqamətdə işlər aparmağı planlaşdırırıq. Çünki bir çox hallarda sənədlərdə göstərilən yaşla əsl yaş göstəricisi üst-üstə düşmür. Odur ki, bəzən müxtəlif saytların və TV-lərin sənədə istinadən yaydıqları ən yaşlı insan haqqında məlumatın real əsası olmur".
Dünyanın ən yaşlı sakininin hazırda 116 yaşlı Yaponiya sakini olduğunu deyən U.Həşimova bildirib ki, institut tərəfindən cənub rayonlarında aparılmış tədqiqatların nəticələrinə əsasən, son 3 ildə Azərbaycanın ən yaşlı uzunömürlü (yəni, yaşı verifikasiya olunmuş) sakini Lənkəranın Gərmətük kəndində yaşayan 108 yaşlı Vəsmə Məmmədova olub.
Lakin o, hesab edir ki, Azərbaycanda bundan da yaşlı insanlar ola bilər. Ona görə də institut yeni rayonlarda tədqiqatlar aparmağı planlaşdırır.
Sizin üçün seçdik
İndi oxunanlar
Həftənin hitləri
- Arvadını TikTok-da CANLIYA çıxardı: Kişilərin qadına dedikləri qarşısında ərin reaksiyası ŞOK ETDİ 1202 dəfə oxunub
- Onlayn dələduzluq əməlləri sürətlə yayılır - XƏBƏRDARLIQ - VİDEO 1156 dəfə oxunub
- Məşhur aparıcının sümükləri əriyir 1141 dəfə oxunub
- Son dəqiqə! Fulya Öztürk canlı yayımda hücuma məruz qaldı - ANBAAN VİDEO 1074 dəfə oxunub
- Ermənistan törətdiyi bütün cinayətlərə görə üzr istəməlidir - İlham Əliyev 1058 dəfə oxunub