Gənc ana 31-ci həftədə əkiz övlad dünyaya gətirib

Cəmiyyət

23:51 09.03.2018

Düşük təhlükəsi olan, 27-28-ci həftəsində bətnindəki körpələrin çəkisi az olduğuna görə Respublika Müalicəvi Diaqnostika Mərkəzində stasionar şəraitdə müalicə alması təmin edilib və gələcək ana üzərində profilaktik müayinələr aparılıb. Bundan sonra bətndəki dölün inkişafı 31 həftəsinə qədər çatdırılıb və çəkiləri artandan sonra ana əməliyyata götürülüb.

Mynews.az  bildirir ki, Mərkəzdən Azərtac-a verilən məlumata görə, mama-ginekoloq Aleksandr Barsukov bu barədə deyib: "Dölün ürək döyüntülərində problemlər olduğuna görə ananı təcili əməliyyata götürdük. Doğularkən uşaqlardan biri 1,25, o birisi isə 1,3 kiloqram olub. Körpələrdən biri süni ventilyasiya aparatına qoşulub və uzun müddət tənəffüs hərəkətlərinin dayanması müşahidə edildiyinə görə lazımi apnoe profilaktikası aparılıb".

Neonatoloq-pediatr Təzibə Mirzəliyeva bildirib ki, bir neçə risk faktoru olan anadan dünyaya gətirdiyi əkiz körpələr mərkəzin neonatoloji komandasının birgə əməyi sayəsində zəruri müayinələrdən keçib, çəkiləri 1,85-1,9 kiloqrama çatdırılıb, ana və onun əkiz körpələri tam sağlam və gümrah vəziyyətdə evə yola salınıblar.