Sosial şəbəkələrdə "qızıl gəncliyin" daha bir nümayəndəsinin Moskva yollarında sürət yarışına çıxdığına dair görüntülər yayılıb.
Mynews.az virtualaz.org-a istinadən xəbər verir ki, avtomobilin salonundan çəkilmiş görüntülərə əsasən, "Ferrari"nin sükanı arxasında oturmuş gənc yol hərəkəti qaydalarını kobud pozaraq saatda 180 km sürətlə yolundakı bütün avtomobilləri ötür, daha sonra sürəti 245 km/saata qaldırır. Telekanal bildirir ki, sükan arxasındakı 20 yaşlı Kazımbek B.-dir. O, sosial şəbəkədə yazır ki, heç yana tələsmidi, sadəcə olaraq "sürmək" istəyib. Bildirilir ki, həmin gəncin onlarla cəriməsi var. Azərbaycanda olduğu kimi Rusiyada da zənginlərin harın övladlarının superkarlarla yol hərəkət qaydalarını tapdalaması adi normadır.
