Bakıda kafedə əxlaqsızlıq yuvası aşkarlandı İçəridən Əli Kərimlinin xanım "silahdaşı" çıxdı

Cəmiyyət

20:02 04.04.2018

Polis tərəfindən Bakı şəhərində əxlaqsızlıq yuvalarına qarşı növbəti reyd keçirilmiş, reyd zamanı kafelərin birində əxlaqsızlıqla məşğul olan iki nəfər saxlanılmışdır.

Əldə olunmuş məlumata görə saxlanılan şəxslərdən biri Fatimə Mövlamova adlı qadındır. İzahatı zamanı o birlikdə tutulduğu şəxslə pul müqabilində görüşdüyünü etiraf etmişdir.

Əlavə olaraq Fatimə Mövlamova izahatında AXCP üzvü olduğunu, eyni zamanda həvəskar jurnalist kimi fəaliyyət göstərdiyini bildirmişdir.

Faktla əlaqədar Fatimə Mövlamovanı əxlaqsızlığa cəlb etmiş şəxslə bağlı cinayət işi açılmışdır.

İstintaq davam etdirilir.

Redaksiya olaraq tərəfimizdən aparılmış araşdırma nəticəsində Fatimə Mövlamovanın facebook istifadə etməsi, oradakı yazılarına istinadən AXCP üzvü olması məlum olmuşdur. Onun müxtəlif tədbirlər zamanı partiyanın sədri Əli Kərimli və digər üzvlərlə çəkilmiş çoxlu sayda şəkillərinə rast gəlinir. / Gününnəbzi.info