Statistik rəqəmlərə əsasən, 2017-ci il ərzində BŞT və TTYS-nə nəqliyyat hadisəsi səbəbindən 2363 müraciət daxil olub.
Mynews.az xəbər verir ki, bunu Təcili və Təxirəsalınmaz Tibbi Yardım Stansiyasının baş həkiminin müavini İradə Əliyeva bu gün keçirdiyi mətbuat konfransında deyib.
O bildirib ki, həmin hadisələr nəticəsində 2058 nəfər hospitalizasiya olunub:
“Bədbəxt hadisələr bugünkü günümüzün ən acı reallıqlarından biridir. Onların əksəriyyəti nəqliyyat hadisəsi səbəbindən yaranır. Belə olduğu təqdirdə stansiyamız həmin proseslər zamanı çevik şəkildə dərhal tədbirlər planı həyata keçirib”.
