Zabil Müqabiloğlunun bacısına növbədənkənar mənzil veriləcək

Cəmiyyət

20:25 06.04.2018

Mynews.az xəbər verir ki, Moderator.az -ın əldə etdiyi məlumata görə, mərhum jurnalist Zabil Müqabiloğlunun bacısı Sevinc Fərhadova yenidən Qaçqınların və Məcburi Köçkünlərin İşləri üzrə Dövlət Komitəsinə dəvət olunub.

Bu dəfə onu, Qaçqınların və Məcburi Köçkünlərin İşləri üzrə Dövlət Komitəsi sədrinin köməkçisi qəbul etmiş, ən yaxın zamanda Sevinc xanıma, növbədənkənar mənzil veriləcəyini bildirmişdir. Qeyd edək ki, millət vəkili Əflatun Amaşov da, bir neçə gün öncə bu işlə əlaqədar olaraq, Qaçqınların və Məcburi Köçkünlərin İşləri üzrə Dövlət Komitəsinin sədri , Baş nazirin müavini cənab Əli Həsənovla görüşmüş, ona da mərhum jurnalistin bacısına tezliklə mənzil veriləcəyi bildirilmişdir. Əlacsız qalan Sevinc xanıma gözləmək qalır.

Xatırladaq ki, bir neçə gün öncə Sabunçu rayon, Pirşağı qəsəbəsindəki “Məşəl” düşərgəsinin ərazisində  güclü yanğın zamanı  mərhum jurnalist Zabil Müqabiloğlunun bacısının yaşadığı ev yanaraq kül olub. Xoşbəxtlikdən  yanğın jurnalistin bacısı Sevinc Fərhadovanın evdə olmadığı vaxt baş verib.