Məleykə Abbaszadədən QƏRİBƏ ADDIM soyuq havaya görə ÜZR İSTƏDİ

Cəmiyyət

15:50 07.03.2017

“Bu il sınaq imtahanları nəzərdə tutduğumuzdan az olacaq”.

Mynews.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə jurnalistlərə açıqlamasında deyib.

Onun sözlərinə görə, sınaq imtahanlarında iştirak qiyməti və cədvəli yaxın günlərdə elan ediləcək: “Sınaq imtahanları ilə bağlı araşdırma aparırıq. Yanvar, fevral aylarında fəaliyyətimiz olmadığı üçün sınaq imtahanlarının cədvəli çox sıx olacaq. Əvvəlki illərdə olduğu kimi sınaq imtahanları 3-4 dəfə keçirilməyəcək. Bu il bir-iki sınaq imtahanı olacaq”.

M.Abbaszadə 9-cu siniflərin buraxılış imtahanında yaranan narazılığa da aydınlıq gətirib: “Havanın soyuq olması ilə bağlı şikayəti yalnız mətbuatdan oxudum. Hava soyuq və küləkli idi, valideynlər də bu havada uşaqlarını gözləyirdilər. Dövlət İmtahan Mərkəzi havanın küləkli, soyuq olmasına təsir göstərə bilməz. Valideynlərdən havaya görə üzr istəyə bilərəm, lakin bu, bizdən asılı deyil”.

M.Abbaszadə vurğulayıb ki, buraxılış imtahanında 6 nəfər telefonla tutulub: “Məlumdur ki, bu şagirdlərin nəticələri ləğv edilir, sıfır balla qiymətləndirilir. Lakin onlar sıfır balla ikinci mərhələyə buraxılırlar”.