"Sel gəlsə bu evləri basıb aparacaq" - Çay kənarında yaşayan sakinlərin qorxusu - VİDEO
Çayların kənarında yaşamaq müəyyən qədər əlverişli olsa da, bu bir o qədər də təhlükəlidir.
ARB TV-nin “Günə doğru” proqramında çay kənarında yaşayan sakinlərlə bağlı maraqlı sujet hazırlanıb.
Şimal-qərb bölgəsində, xüsusilə də Şəkidə sel sularının yaşayış ərazilərini basması, təsərrüfat və obyektlərə ciddi ziyan vurması ilə bağlı hadisələr yetərincə olub.
Ən gursulu çayların məhz burda yerləşdiyini də nəzərə alsaq, aprel və may aylarında güclü yağışlar və qarın əriməsi nəticəsində çay yataqları yaranmış artıq su kütləsini qəbul edə bilmir və məcrasından çıxaraq ətraf əraziləri basır.
Sakin: Vaxtiylə bu ərazilərdə 70-80 ev olub. Sel aparıb. Betonlar köhnəlib, vaxtı gedib. Nə vaxtsa sel gəlsə bu evləri basıb aparacaq.
Elə bu kimi xoşagəlməz hadisələrin miqyasını azaltmaq üçün hələ ötən əsrdən çayların kənarları bəndlənib. Lakin həmin dövrdən uzun müddət keçməsi bəzi ərazilərdə selqoruyucu bəndləri dağıdıb.
Sakin: Bəndlər qurulsa təhlükəsizdir. Yoxsa qorxuludur. Buinlar ən dəhşətli çaylardır.
Dilbazi Cəmilov - mütəxəssis: Tədbirlər görülməsə çay öz səviyyəsini qaldırıb ətrafa ziyan vura bilər.
Mütəxəssislərin fikrincə, çaylarda bənd salınan zaman bəndlərin keyfiyyəti ilə yanaşı, hündürlüyü də nəzərə alınmalıdır.
Dilbazi Cəmilov - mütəxəssis: İstinad divarı təxminən 3-4 metr aşağıdan 5-6 metr yuxarıya qədər olmalıdır ki, dağıdıcı sellərə davamlı ola bilsin.
Mövzu ilə bağlı Şəki Suvarma Sistemləri İdarəsindən bildirdilər ki, ötən il Kiş çayının sol sahilində mövcud 1300 metr daş beton istinad divarı 1 metr hündürləşdirilib. Bundan əlavə 300 paqonometr də əlavə selqoruyucu bənd tikilib. Zəyzid, Küngüt və Şin çaylarına isə əlavə bəndlərin çəkilməsi nəzərdə tutulur. Şəhər daxilində olan Qurucana çayı ilə bağlı isə Memarlıq vəTikinti şöbəsindən bildirdilər ki, 2013-cü ildə hazırlanan layihə əsasında hələlik çayın bir qisminə yeni bənd salınıb.
Mütəxəssislər, bəndlərin salınmasından əlavə çay yataqlarının təmizlənməsinin də sel təhlükəsinin qarşısının alınması baxımından önəmli olduğunu deyir.
Cəmiyyət
- Prezident generalı rektor TƏYİN ETDİ
- Azərbaycanda yeni nazir TƏYİN EDİLDİ
- Unun qiyməti qalxdı - VİDEO
- Azərbaycanda minimum əməkhaqqının artırılması ilə bağlı təkliflər hazırlanır
- Bir qrup incəsənət xadiminə Prezident mükafatı verildi - SƏRƏNCAM
- İkinci Dünya müharibəsi iştirakçılarına və ailə üzvlərinə birdəfəlik maddi yardım ödənilib
Sizin üçün seçdik
İndi oxunanlar
Həftənin hitləri
- Azərbaycan dili üzrə natiqlik çempionatına qeydiyyat başladı 1177 dəfə oxunub
- “Nar” rouminq paketləri ilə səyahət daha sərfəlidir! 1100 dəfə oxunub
- Turisti geyiminə görə "Mall"-dan QOVDULAR - VİDEO 1093 dəfə oxunub
- Həccdə istidən ölənlərin sayı 922 nəfərə çatdı 1091 dəfə oxunub
- Ülvi və Fatimə qəzaya düşdü 1037 dəfə oxunub