6 pambıqçı qadın faciəli şəkildə öldü İcra başçısı, polis rəisi, prokuror hadisə yerində+Fotolar

Cəmiyyət

12:11 07.05.2018

Sabirabad rayonunda işçilər pambıq tarlasına işləməyə gedərkən traktorun qoşqusu aşıb.

Səhiyyə Nazirliyindən verilən məlumata görə, 6 qadın kanala düşərək boğulub. Meyitlər artıq ailələrinə təhvil verilib. Kənardan hadisəni görən 25 yaşlı gənc stressə düşüb. Hazırda onun vaziyyəti yaxşıdır. 

****

Sabirabad rayonunda ağır yol-nəqliyyat hadisəsi baş verib.

Şəhriyar kəndində traktorunqoşqusu aşaraq kolektora düşüb, nəticəsində 6 nəfər ölüb. Dünyasını dəyişənlərin hamısı qadınlardır.

Qeyd edək ki, ölən qadınlar pambıq becərməyə gedirmiş. Əlavə məlumat veriləcək.

****

Xəbər verdiyimiz kimi, Şəhriyar kəndində traktorun qoşqusu aşaraq su kolektuna düşüb, nəticəsində 6 nəfər ölüb. Dünyasını dəyişən qadınlar pambıq becərməyə gedirmişlər. Unikal.org-un əldə etdiyi məlumata görə hazırda Sabirabad Rayon İcra Hakimiyətinin başçısı Nazim İsmayılov, rayonun polis rəisi, prokuroru və digər vəzifəli şəxslər hadisə yerindədir...