”Başqasının ərini əlindən alan...” - Azərbaycanlı aktrisanı söydülər - FOTO

10:19 09.05.2018

Cəmiyyət

Xəzər Televiziyasında yayımlanan "Ata ocağı" serialında Nəcibə obrazını canlandıran gənc aktrisa Arzu Abdulova sosial şəbəkədə təhqirlərə məruz qalıb.

Mynews.az xəbər verir ki, yenicag.az-a açıqlama verən aktrisa obrazının insanlar tərəfindən birmənalı qarşılanmadığını deyib:

"İndiyə qədər bir çox seriallarda oynamışam. Belə reaksiya ilə heç vaxt qarşılaşmamışam. Amma "Ata ocağı" serialında oynadığım Nəcibə obrazı sosial şəbəkələrdə müzakirələrə səbəb oldu. Bilirsiniz ki, serialda Nəcibə Rəşidi yoldan çıxararaq, onun məşuqəsi olur, həyat yoldaşından ayırır. Sosial şəbəkədə hər kəs məni müzakirə edir, hətta təhqirlərə məruz qalıram. Məni söyürlər. Yazırlar ki, "başqasının ərini əlindən alan həyasız" və s. Amma onlara başa sala bilmirəm ki, bu reallıq deyil, sadəcə, serialdır. Həyatda tamamilə fərqli insanam. Hər halda, obrazı təbii oynamasaydım, yəqin ki, belə reaksiya doğurmazdı".

Qeyd edək ki, "Həyat sən nə qəribəsən", "Cehizsiz gəlinlər", "Baldız" və digər seriallarda rol alıb.

MƏNİM XƏBƏRLƏRİM

Cəmiyyət

Sizin üçün seçdik

İndi oxunanlar

Həftənin hitləri

Mynews.az