Neftçala Rayon Polis Şöbəsinin (RPŞ) inzibati binasının təmir olunmasına pul vəsaiti ayrılsa da, bina təmir edilməyib.
Mynews.az xəbər verir ki, RPŞ-dan faktı təsdiqləyiblər.
Bildirilib ki, binanın təmirinə iki il əvvəl – RPŞ-da Vüsal Şəbəndiyevin rəis olduğu vaxt müvafiq qaydada pul vəsaiti ayrılıb. Lakin bina indiyədək təmir edilməyib. Ayrılmış pul vəsaitinin hansı istiqamətdə xərcləndiyi isə məlum deyil.
Qeyd edək ki, polis polkovniki Vüsal Şəbəndiyev Neftçala RPŞ-nın rəisi vəzifəsinə 2015-ci ilin noyabr ayında təyin edilib./Report/
