70 yaşlı kişi qocalar evinə qəbul edilmək üçün Əmək və Əhalinin Sosial Müdafiəsi Nazirliyinə müraciət etməyib.
Mynews.az xəbər verir ki, bunu Oxu.Az-a açıqlamasında nazirliyin İctimaiyyətlə əlaqələr şöbəsinin müdiri Fazil Talıbov deyib.
Onun sözlərinə görə, Yaşar Quliyevin görüntülərdə dediyi fikirlər həqiqəti əks etdirmir:
“Pensiya yaşına çatan, qocalar evində qalmağa ehtiyacı olan hər kəs müəssisəyə yerləşdirilə bilər. Nazirlik tərəfindən həmin vətəndaşı axtarırıq ki, nə üçün belə məlumat verdiyini aydınlaşdıraq”.
Qeyd edək ki, bu gün sosial şəbəkələrdə 70 yaşlı Quliyev Yaşar Bəhlul oğlunun övladları tərəfindən küçəyə atılması ilə bağlı video yayılıb.
