Mərkəzi Bank sədri Elman Rüstəmov Tarif Şurasının ictimai nəqliyyatda tariflərin qaldırılması qərarına münasibət bildirib.
Mynews.az xəbər verir ki, E.Rüstəmov avtobus və metroda qiymət artımının inflyasiyaya yüksəldici təsir göstərdiyini deyib:
“Lakin düşünmürük ki, bu artım inflyasiyanı 6-7%-lik hədəf dəhlizindən kənarlaşdıra bilər. Bütövlükdə qiymət dəyişikliyini bu sektorda fəaliyyətlə məşğul olan biznes qurumlarının fəaliyyətini tənzimləmək istiqamətində atılan addımlar kimi qiymətləndirmək lazımdır.
Bu sektorda fəaliyyət göstərən qurumların maliyyə sağlamlığı təqdim etdiyi xidmətlərin keyfiyyəti ilə birbaşa bağlıdır.
