İyul ayının 1-nə Azərbaycanda banklar tərəfindən 2 min 481 ədəd bankomat quraşdırılıb ki, bu da 2017-ci ilin sonuna olan göstəricidən 2,1% çoxdur.
Mərkəzi Bankdan Mynews.az-a verilən məlumata görə, iyulun 1-nə Bakıda 1034 (artım 2,4%), bölgələrdə 1141 ədəd bankomat (artım 1,6%) quraşdırılıb.
2018-ci ilin iyulun 1-nə respublika ərazisində ticarət və xidmət obyektlərində 65 min 447 ədəd POS-terminal quraşdırılıb ki, bu da ötən ilin sonuna olan göstəricidən 0,1% azdır.
Bununla yanaşı, Bakıda 37 min 18 ədəd (artım 0,3%), regionlarda 28 min 267 ədəd (azalma 0,5%) POS-terminal mövcuddur.
