Ötən gün paytaxtda normadan artıq yağan güclü yağış şəhərdə nəqliyyatın hərəkətini iflic etmişdi. Yağışın fəsadlarından zərər çəkən dövlət qurumundan biri də "Bakı Metropoliteni" QSC-dir.
Mynews.az-ın məlumatına görə, Qurumun mətbuat katibi Bəxtiyar Məmmədov bildirib ki, əsas ziyan “Memar Əcəmi” stansiyasındakı keçiddə qeydə alınıb.
““Memar Əcəmi” stansiyasında ikinci vestübüldəki piyada keçidininin 10-15 metr hissəsi su altında qalmışdı. Orada suyun səviyyəsi yuxarı qalxmışdı. "Bakı Metropoliteni" ilə Fövqaladə Hallar Nazirliyinin Binəqədi rayon bölməsi qısa müdətdə yaranmış vəziyyəti aradan qaldırdılar. Bundan başqa ziyanımız olmayıb”.
