Səbailin yeni başçısı: “Bunun üçün çox tezdir”

Cəmiyyət

17:13 04.11.2018

Vüqar Zeynalov Prezident İlham Əliyevin sərəncamı ilə Bakı şəhəri Səbail Rayon İcra Hakimiyyətinin başçısı təyin edilib. Bəzi sürüşmə  ərazilərinin Səbaildə yerləşməsilə meydana gələn problemlər hər zaman medianın gündəmində olub. Maraqlıdır, yeni başçı ilkin olaraq diqqəti hansı istiqamətə yönəldəcək?

Mynews.az xəbər verir ki, Səbail Rayon İcra Hakimiyyətinin başçısı təyin edilən Vüqar Zeynalov Modern.az-a açıqlamasında rayondakı problemlərdən danışmaq üçün tez olduğunu bildirib:“İndi bunlardan danışmağı vaxtı deyil”.

V.Zeynalov bununla bağlı geniş danışmaq istəməyib:

“Oktyabrın 30-dan vəzifəmin icrasına başlamışam. Hələlik kollektivlə, mövcud vəziyyətlə tanış oluram. Sizin sadaladığınız məsələlərlə bağlı qarşıdakı vaxtlarda danışmaq olar. Hələlik çox tezdir”.

Qeyd edək ki, Vüqar Teyyub oğlu Zeynalov bu təyinatadək Bakı Şəhər Mədəniyyət Baş İdarəsinin rəisi vəzifəsində çalışırdı.

Did you find apk for android? You can find new Free Android Games and apps.