Onlar polisin və kameranın olmamasından sui-istifadə edərək kobud qayda pozublar.
Bakının Koroğlu Rəhimov küçəsində qoşa xəttin tələbini pozaraq manevr edən sürücülər digər sürücüyə qəza şəraiti yaradıb. “Toyota Camry” markalı, 99-AA-855 qeydiyyat nişanlı və “Mitsubishi Pajero” markalı, 90-SL-808 qeydiyyat nişanlı avtomobilin sürücüləri həmin ərazidə yol polisinin və “Təhlükəsiz şəhər” kamerasının olmamasından sui-istifadə edərək qanunun tələbini kobud şəkildə pozub. Amma onların bu əməlləri Avtosfer.az-ın kamerasından yayına bilməyib. Belə sürücülərə qarşı mütləq ictimai qınaq olmalıdır. Yəqdin ki, belələri polisin olmadığı ərazidə belə nəzarətin olduğunu hiss etdikdən sonra qayda pozmaqdan çəkinəcəklər.
