Hadisə Türkiyənin Dənizli bölgəsində baş verib.
Mynews.az xəbər verir ki, toydan sonra gəlində koronavirus aşkarlanıb.
Belə ki, toydan bir gün sonra xəstələnən gəlin yaxınları tərəfindən xəstəxanaya aparılıb. Gəlindən COVID-19 şübhəsi ilə analiz götürülüb və testin nəticəsi müsbət çıxıb.
Toy keçirilən kəndə gələn polis əməkdaşları gəlinlə yaxın təmasda olan insanları müəyyən edib. Bəy və daha 23 nəfərin testi müsbət çıxdığı üçün onlar da karantinə alınıblar.
