Azərbaycanda yanvar-avqust aylarında 2 310 əkiz, 105 üçəm, dörd dördəm doğulub.
Bu barədə Dövlət Statistika Komitəsinin məlumatında qeyd edilib.
Məlumata görə, Ədliyyə Nazirliyinin rayon (şəhər) qeydiyyat şöbələri tərəfindən cari ilin yanvar-avqust ayları ərzində 83 010 doğulan körpə qeydə alınıb.
Ötən ilin müvafiq dövrü ilə müqayisədə əhalinin hər 1 000 nəfərinə bu göstərici 11,0-dan 12,4-ə qədər artıb.
Doğulan uşaqlar arasında oğlanların xüsusi çəkisi 52,9 faiz, qızların xüsusi çəkisi isə 47,1 faiz olub.
