Təxirə salınmış Bakı-Naxçıvan uçuşları bu tarixə keçirildi
Azərbaycan Hava Yolları" (AZAL) aviaşirkəti təxirə salınmış Bakı-Naxçıvan-Bakı marşrutu üzrə reyslərin sərnişinlərinin daşınması üçün hazırda bütün lazımi tədbirləri görür.
Mynews.az-a bu barədə AZAL-dan bildirilib.
Belə ki, Bakı-Naxçıvan marşrutu üzrə dekabrın 17-nə planlaşdırılan J2-251 (saat 07:00) və J2-253 (saat 11:50) nömrəli reyslər dekabrın 19-u yerli vaxt ilə saat 16:00-da həyata keçiriləcək. Bununla yanaşı, Naxçıvan-Bakı marşrutu üzrə dekabrın 17-nə planlaşdırılan J2-252 (saat 10:20) və J2-254 (saat 15:10) nömrəli reyslər bu gün yerli vaxt ilə saat 18:20-da həyata keçiriləcək.
Sözügedən reysin sərnişinləri AZAL-ın ən böyük geniş gövdəli təyyarəsi "Airbus A340” ilə Naxçıvan hava limanına yola düşəcəklər.
"Təxirə salınmış reyslərin sərnişinləri hava limanının qeydiyyat masasına öncədən yaxınlaşmalıdırlar", - məlumatda deyilir.
AZAL digər təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir. Onların cədvəli tezliklə dərc olunacaq.
Məlumatda xüsusilə qeyd edilir ki, uçuşların təhlükəsizliyi məqsədilə bütün reyslər yalnız əlverişli hava şəraitində həyata keçiriləcək.
Sizin üçün seçdik
İndi oxunanlar
Həftənin hitləri
- Azərbaycanda xərçəng xəstəliyi niyə artır? 1178 dəfə oxunub
- 19 yaşlı qız qəfil vəfat etdi 1176 dəfə oxunub
- 19 yaşlı qız qəfil vəfat etdi 1119 dəfə oxunub
- Tanınmış fitnes zalının sahibi bıçaqlandı - VƏZİYYƏTİ AÇIQLANDI 1116 dəfə oxunub
- Ordumuzun mayoru vəfat etdi 1114 dəfə oxunub