Hacı Şahin kim idi?... - 4 övladı qaldı...

Qafqaz Müsəlmanları İdarəsinin (QMİ) səlahiyyətli nümayəndəsi, Məşədi Dadaş məscidinin imam-camaatı Hacı Şahin Həsənlinin qəfil ürəktutmasından vəfat etməsi ilahiyyatçını tanıyanların hamısını təəsüfləndirib.
Hacı Şahin ictimai fəaliyyətində məzhəbi məqamlardan və tarixi konfliktdən uzaq dayanmağa çalışan savadlı din xadimi kimi tanınmışdı.
Mərhum ilahiyyatçının dosyesini təqdim edirik:
Həsənli Şahin Hüseyn oğlu 1974-cü ildə iyulun 7-si Bakı şəhərində doğulub.
1981-ci ildə Bakı şəhərindəki 189 saylı orta məktəbində təhsil almağa başlayıb və 1991-ci ildə orada təhsilini başa vurub.
1995-1997-ci illərdə hərbi xidmətini cəbhə bölgəsində çəkib.
1991-1999-cu illərdə Azərbaycan Dövlət Texniki Universitetinin Maşınqayırma fakültəsində oxuyub.
2001-2004-cü illərdə Bakı Dövlət Universitetinin Tarix fakültəsində ikinci ali təhsil alıb.
Ərəb, fars və rus dillərini bilirdi.
Hacı Şahin Həsənli 1991-ci ildən başlayaraq fərdi qaydada dini təhsil də almağa başlayıb. 1992-ci ildə Bakı şəhəri Yasamal rayonunda yerləşən "Hüseyniyyə” adlı kiçik ibadət evində ruhani fəaliyyətinə başlayıb.
2001-ci ildən Bakı şəhəri Nəsimi rayonunda yerləşən "Məşədi Dadaş” məscidində imam-camaatdır.
O, dini mövzularda tədrislə də məşğul olub. Əqaid, fəlsəfə, əxlaq, təfsir dərslərinin tədrisinə xüsusi diqqət yetirib.
2014-cü ildə Qafqaz Müsəlmanları İdarəsinin Nəsimi rayonu üzrə səlahiyyətli nümayəndəsi, 2021-ci ildə isə QMİ Qazilər Şurasının üzvü təyin olunub.
1998-2001-i illərdə təsisçilərindən olduğu "İkmal” Gənclər Birliyinin sədri olaraq ictimai fəaliyyət göstərib.
Fəaliyyətinin əsas istiqaməti milli-mənəvi dəyərlərin, sağlam həyat tərzinin və vətənpərvərlik hissinin gənclər arasında təbliği olub.
2007-ci ildə "Mənəvi Dünya” Milli-Mənəvi Dəyərlərimizin Təbliği İctimai Birliyini təsis edib, o zamandan quruma rəhbərlik edirdi.
Ailəli idi, dörd övladı var. /// yenisabah.az
Cəmiyyət
- İlham Əliyev əfv sərəncamı imzaladı - SİYAHI
- "Trendyol"dan sifarişlərdə nə dəyişib? - Hansı geyimlər Azərbaycana göndərilməyəcək? - VİDEO
- İdman məktəblərində kimlərin məşq keçə biləcəyi açıqlandı
- Taksi qiymətləri niyə bahalaşıb?
- Xankəndidə ev almaq mümkündür?
- Bu avtobuslarda gediş haqqı dəyişdi - Yeni qiymət
Sizin üçün seçdik
İndi oxunanlar
Həftənin hitləri
- Qobustandakı qəzada ölən gənc qızın nişanlısı ilə son görüntüsü - VİDEO 919 dəfə oxunub
- Şuşada “Xarıbülbül” Beynəlxalq Musiqi Festivalı başlayır 915 dəfə oxunub
- Cənub bölgəsi gənclərinin karyera inkişafı istiqamətində “Turizm bələdçiliyi” bacarıqlarının artırılması - FOTOLAR 599 dəfə oxunub
- Nar Cəlilabad Festivalında iştirak etdi! - FOTOLAR 587 dəfə oxunub
- Hava ilə bağlı XƏBƏRDARLIQ - Bu gündən mayın 31-dək... 583 dəfə oxunub