Mynews.az xəbər verir ki, Dövlət başçısı İlham Əliyevin Sərəncamı ilə Azad Sevindik oğlu Novruzov Naxçıvan Müəllimlər İnstitutunun rektoru vəzifəsindən azad edilib.
Novruzov Azad kimdir?
Azad Novruzov 1965-ci il 1 iyun tarixdə Naxçıvan Muxtar Respublikası Şahbuz rayonu Aşağı Qışlaq kəndində anadan olmuşdur.
1982–1989-cu illərdə Naxçıvan Dövlət İnstitunda Fizika-Riyaziyyat fakültəsində təhsil almışdır.
1983–1985-ci illərdə hərbi xidmətdə olmuşdur.
1989-cu ildən etibarən ixtisası üzrə əmək fəaliyyətinə başlamışdır. 1995-ci ildən 2018-ci ilədək Naxçıvan Dövlət Universitetinin Riyaziyyat kafedrasında baş laborant, müəllim, baş müəllim, dosent vəzifələrində çalışmışdır.
2004–2018-ci illərdə Naxcıvan Müəllimlər İnstitutunun Pedaqoji fakültəsinin dekanı vəzifəsində çalışmışdır.
2000-ci ildə Azərbaycan Dövlət Pedaqoji Universitetində "Ali pedaqoji məktəblərin "Riyazi analiz" kursu ilə orta məktəbin "Cəbr və analizinin başlanğıcı" kursu arasında qarşılıqlı əlaqənin elmi-metodiki əsasları" mövzusunda dissertasiyası müdafiə etmişdir.
2006-cı ildə Riyaziyyat və informatika kafedrası üzrə dosent elmi adı almışdır.
2015-ci ildə Naxçıvan Muxtar Respublikasının "Əməkdar müəllim" fəxri adına layiq görülmüşdür.
