2024-cü ildə məhkəmənin qərarı ilə 80 mindən çox miqrant miqrasiya qanunvericiliyinin pozulması səbəbindən Rusiyanı tərk edib. Mynews.az-ın verdiyi məlumata görə, 2024-cü ildə 80 mindən çox miqrant Rusiyadan məcburi şəkildə qovulub. Bu qərar məhkəmələr tərəfindən miqrasiya qaydalarının pozulması əsasında qəbul edilib. Rusiya Federal Məhkəmə İcraçıları Xidmətindəki mənbələr ölkədən çıxarılmanın həm xarici vətəndaşlara, həm də vətəndaşlığı olmayan şəxslərə təsir etdiyini vurğuladı.
2023-cü illə müqayisədə qovulan miqrantların sayı xeyli artıb. Ötən il bu ölkədən 60 müxtəlif ölkəyə 44200-dən çox insan deportasiya edilib. Deportasiyaların sayının artması Rusiyada miqrasiya qanunvericiliyinə əməl olunmasına nəzarətin gücləndirilməsi ilə bağlıdır. 2024-cü ildə Rusiya paytaxtında 18 min miqrant qovulub.
Fevralın 5-dən etibarən Rusiya Daxili İşlər Nazirliyinin vəzifəli şəxsləri ölkədə qalma rejiminin pozulmasına görə xarici vətəndaşların inzibati qaydada ölkədən çıxarılması barədə müstəqil qərar qəbul etmək hüququna malik olacaqlar.
30 iyun 2025-ci il tarixindən etibarən Belarus vətəndaşları, diplomatlar və altı yaşına çatmamış uşaqlar istisna olmaqla, Rusiyaya daxil olan bütün xarici vətəndaşlar biometrik məlumatları təqdim etməlidirlər.
