USD 1.70
EUR 1,8441
RUB 0.0175
BREND 78.91
Bakı
7°

Təyyarədə siqaret çəkənlər 500 manat cərimələnəcək

Cəmiyyət
12:35 19.02.2025
Təyyarədə siqaret çəkənlər 500 manat cərimələnəcək

Cəmiyyət

12:35 19.02.2025

Hava nəqliyyatında tütün çəkməyə görə cərimə 5 dəfə artırılır.

Mynews.az xəbər verir ki, bu, Milli Məclisin Hüquq siyasəti və dövlət quruculuğu komitəsinin bu gün keçirilən iclasında müzakirəyə çıxarılan İnzibati Xətalar Məcəlləsinə təklif edilən dəyişiklikdə əksini tapıb.

Layihəyə əsasən, hava nəqliyyatında tütün çəkməyə görə cərimə yüz manatdan beş yüz manata qaldırılır.

Bundan əlavə, hava gəmilərinin uçuşları üçün təhlükəli quşların kütləvi toplanmasına kömək edən obyektlər quranlar 10 min manatadək cərimələnəcək.

Layihəyə əsasən, müvafiq icazə olmadan pirotexnik məmulat yandırılmasına, yaxud hava gəmilərinin uçuşları üçün təhlükəli quşların kütləvi toplanmasına kömək edən obyektlər qurulmasına görə fiziki şəxslər üç min manat məbləğində, vəzifəli şəxslər beş min manat məbləğində, hüquqi şəxslər on min manat məbləğində cərimə ediləcək.

Hazırda bu əmələ görə əlli manat məbləğində cərimə tətbiq olunur.


Cəmiyyət

Xəbər lenti