USD 1.70
EUR 1,8441
RUB 0.0175
BREND 78.91
Bakı
7°

Azərbaycanda Anım Günüdür

Cəmiyyət
16:17 27.09.2026
Azərbaycanda Anım Günüdür

Cəmiyyət

16:17 27.09.2026

Bu gün Vətən müharibəsinin başlamasından altı il ötür.

Mynews.az xəbər verir ki, bu münasibətlə Azərbaycanda Anım Günü qeyd olunur.

Altı il əvvəl Azərbaycan Ordusu Ermənistanın işğalçı siyasətinə və cəbhəboyu hərbi təxribatlarına cavab olaraq sürətli əks-hücum əməliyyatına start verib. Prezident, Silahlı Qüvvələrin Ali Baş Komandanı İlham Əliyevin əmri ilə ordumuz torpaqlarımızın azadlığı uğrunda mübarizəyə başlayıb. Rəşadətli Azərbaycan Ordusu 30 il işğalda qalan əraziləri sürətlə düşmən tapdağından təmizləyib. Vətən müharibəsi həm də xalq-ordu-iqtidar birliyinin bütün dünyada ən nümunəvi təcəssümü kimi yadda qalıb.

Azərbaycan 44 günlük müharibədə 2908 şəhid verib, altı hərbçi isə itkin düşüb.

Prezident İlham Əliyev 2020-ci il dekabrın 2-də Azərbaycan Respublikasında Anım Gününün təsis edilməsi haqqında sərəncam imzalayıb.

Sərəncama əsasən, hər il sentyabrın 27-də Azərbaycan Respublikasında Anım Günü kimi qeyd edilir.


Cəmiyyət

Xəbər lenti