Türkiyənin Kilis bölgəsində yaşayan 53 yaşlı Hatice Civelek artıq çəkidən əziyyət çəkir.
Mynews.az -ın məlumatına görə, 6 uşağı, 13 nəvəsi olan Hatice 185 kiloqram çəkiyə çatıb və o, bu xəstəlikdən xilas olmaq istəyir.
Müalicə olunmaq üçün maddi imkanının çatmadığını bildirən qadın rahat nəfəs ala bilmir, yatmır, yeriyə bilmir, gecə-gündüz süni nəfəs aparatına bağlı olaraq yaşayır. O, son çarə kimi ölkə prezidenti Rəcəb Tayyip Ərdoğandan, Səhiyyə nazirindən yardım istəyib:
"Səsimi eşitsinlər. Hər gün ölürəm, sürünürəm. Astma xəstəsiyəm, 2 dəfə ürək əməliyyatı keçirmişəm, 4 dəfə qolum sınıb. Qolumda, ayağımda platin daşıyıram. Evimi satışa qoydum, borcla aldığım evi sata bilmirəm. Müalicə üçün dərman qəbul etdim, 10 kiloqram daha kökəldim".
Axşam.az
