Böhran azərbaycanlı deputatı da vurdu Dəbdəbəli villadan çıxdı, maaşları kəsdi...

Azərbaycan Demokratik İslahatlar Partiyasının sədri, millət vəkili Asim Mollazadə maliyyə çətinlikəri ilə üzləşib.

Mynews.az-ın məlumatına görə, deputat partiya üçün kirayə götürdüyü, Nəsimi rayonu, Sabit Rəhman küçəsi 7 ünvanında yerləşən dəbdəbəli villadan çıxmaq məcburiyyətində qalıb.

A.Mollazadənin 10 ildən artıq bir müddətdə qərarlaşdığı ofis-villadan çıxmasına səbəb kimi ciddi maliyyə çatışmazlıqlarının olduğu bildirilir. Məlumata görə, o, partiyanın qərargahında çalışanların maaşlarını tamamilə kəsib, maliyyələşdirdiyi bəzi layihələrdən imtina edib. Hazırda ADİP-də anlaşılmaz bir vəziyyət hökm sürür. 

Əldə etdiyimiz məlumata görə, partiya sədri, deputat seçildiyi Nəsimi rayonu ərazisində daha uyğun qiymətə kiçik ofis axtarışındadır.